nATTILIK hERITAGE sOCIETY
ᑐᖕᒐᓱᒋᑦ ᓇᑦᑎᓕᒡᒥ ᐅᑐᖅᑲᖃᖅᕕᒡᒧᑦ ᐅᖅᓱᖅᑑᖅ, ᓄᓇᕗᑦᒥ
WELCOME
ᑐᖕᖓᓱᒋᑦ
ᓇᑦᑎᓕᒃ ᐅᑐᖅᑲᖃᖅᕕᒃ ᐅᒡᑯᐃᕐᑕᐅᔪᖅ ᐊᒡᑑᐱᕆ 17, 2013ᒥ. ᐅᑐᖅᑲᖃᕐᕕᒃ ᐊᑕᐅᓯᐅᖏᑦᑐᓂᒃ ᐊᑑᑎᒡᓴᖃᖅᑎᑕᐅ’ᓗᓂ ᓴᓇᔭᐅᓯᒪᔪᖅ ᐅᖅᓱᖅᑑ ᕼᐋᒻᒪᓚᖓᓂ. ᐅᑯᓄᖓᑦ ᐊᑑᑎᖃᖅᑐᖅ: ᐅᑐᖅᑲᕐᓄᑦ ᐃᓂᒋᔭᐅᔪᖅ, ᐅᑐᖅᑲᖃᑦᕖᑦ ᐃᓕᖓᓂᕆᔮ’ᓂᒃ ᐊᑐᖅᖢᓂ, ᑕᐅᑐᒡᓇᖅᑎᑦᑎ’ᓗᓂ ᓇᑦᑎᓕᒡᒥᐅᑦ ᐱᖁᑎᕕᓃ’ᓂᒃ ᑐᑭᓕᐅᖅᓯᒪᔪᓂᒡᓗ ᑎᑎᕋᖅᑕᖃᖅᖢᓂ ᓇᑦᑎᓕᒡᒥᐅᑦ ᐃᓄᐃᑕ ᐃᓕᑦᖁᓰ’ᓂᒃ. ᑕᐅᑐᒡᓇᖅᑎᑦᑎ’ᓗᓂᓗ ᑕᐃᒪᓗ ᒥᖅᓱᒐᖅᓄᑦ ᐊᑐᖅᑕᐅᔪᓄᓪᓗ ᓴᓇᐅᒐᖅᓄᑦ, ᐃᓕᑦᖁᓯᑐᖃᖅᓄᑦ ᓴᓇᐅᔮᓄᑦ ᐊᑕᐃ’ᓄᓪᓗ, ᐊᑐᖅᑕᕕᓃ’ᓄᓪᓗ ᑕᐅᑐᒡᑎᑦᑎᕙᒡᖢᑎᓂ. ᐅᑐᖅᑲᖃᖅᕕᒃ ᓂᐅᕕᐊᒡᓴᖅᑕᖃᖅᓗᓂ ᓄᓇᓕᒡᓂ ᖃᓂᑕᐃ’ᓂᓗ ᓴᓇᐅᔮᓂᒃ ᒥᖅᓱᒐᖅᓂᒡᓗ. ᑲᑎᒪᔨᐅᔪᑦ ᐊᐅᓚᓂᖃᖅᖢᑎᒃ ᑕᑯᔭᒡᓴᖃᖅᖢᑎᒃ ᓂᐅᕕᕋᖅᕕᒡᒥ ᐊᑎᖃᕈᑕᐅᔪᖅ ᐊᑐᖅᖢᒍ ᐅᓘᓛᖅᐃᓄᐃᑦ ᓴᓇᐅᔮᖏᑦ.
ᐃᕐᓴᖅᓂᑕᑦ ᐅᑭᐅᖅᑕᖅᑐᒥ ᐊᐅᓚᓃᑦ ᐅᕙᓂ ᐅᖅᓱᖅᑑᒥ
ᐳᕋᐃᒡᓚᓐ ᐊᐅᓚᓂᖓ, ᑕᐃᑉᓱᒪᓂ ᑕᒡᕙᐅᓕᖅᑐᒧᑦ
ᐅᒦᔭᖅᓂᑯᒃ HMR ᐃᐅᕋᐸᔅ HMR ᑎᐅᕈᓗ ᐅᑐᖅᖃᑐᖃᖅᒥ ᐃᓂᖃᖅᑐᒃ ᑕᒫᓂ ᑳᓇᑕᒥ (NHSC) ᓇᓗᓇᐃᑉᑯᓯᖅᑕᐅᓯᒪᔪᒃ ᐅᑐᖅᑲᓄᑦ ᐃᓂᒋᔭᒡᓴᐅᖁ’ᓗᒋᑦ ᐅᕙᓂ 1992ᒥ. ᐃᓂᒋᔭᐅᔪᖅ ᑳᓇᑕᓕᒫᒥ ᐃᓪᖢᐊᖅᓯᓯᒪᓂᖃᖅᖢᓂ ᐱᔾᔪᑎᖃ’ᒪᑦ ᐃᓕᖓᓂᖃᖅᖢᓂ ᓲ ᔪᐊᓐ ᐳᕋᐃᒡᓚᓐᒥᒃ ᐊᐅᓚᓂᕆᔮᓄᑦ ᐱᒋᐊᖅᖢᓂ ᐅᒥᐊᓄᑦ ᐊᕐᖁᑎᒡᓴᒥ ᕿᓂᖅᓂᕆᔮᓄ ᐅᑭᐅᖅᑕᖅᑐᒥ ᐅᕙᓂ ᐱᒋᐊᖅᖢᓂ 1845ᒥ; ᒪᕐᕈᒃ ᐅᒦᔭᖅᓂᑯᒃ ᓇᓗᓇᐃᑦᑯᑕᐅᕗᒃ ᖃᐅᓯᓴᖅᑕᐅᓂᖅᒧᑦ ᐊᐅᓚᓂᕆᔭᐅᔪᓄᑦ, ᑕᐃᒪᓗ ᑕᓴᑉᓇ ᐆᒪᑎᑕᐅ’ᒪᑦ ᐅᓂᑉᑲᐅᓯᐅᓂᕆᔭᐃ’ᓄᑦ, ᑕᒫᓂ 19ᓴᓐᓇᕆᔭᐅᔪᒥ ᕿᓂᖅᓂᐅᔪᒧᑦ ᐅᒥᐊᑦ ᐊᑐᖅᑕᐅᓂᕆᔭᐃ’ᓄᑦ ᐅᑭᐅᖅᑕᖅᑐᒥ; ᕿᓂᖅᓂᐅᒧᑦ ᐊᒥᓱᑦ ᐊᐅᓪᓚᖃᑕᖅᓯᒪᓕ’ᑕ ᐅᑯᐊᑦ ᐊᕐᕌᒍᑦ ᐊᑯᓐᓂᖏ’ᓂ 1847 ᐊᒻᒪ 1859ᑉᓗ ᓴᑦᕿᖅᑎᑦᑎᔾᔪᑕᐅ’ᓗᓂ ᓄᓇᖑᐊᖅᒥᒃ ᐊᑐᖅᑕᐅᔪᒡᓇᖅᑐᒥᒃ ᐅᑉᓗᒥᐅᒧᖅ ᑕᐃᔭᐅᓕᖅᑐᒥᒃ ᑳᓐᓇᑕᒥ ᐅᑭᐅᖅᑕᖅᑐᕆᔭᐅᔪᒥᑦ; ᑕᐃᒪᓗ ᐃᓄᒋᔭᐃ’ᓂᒃ ᑕᐃᑉᓱᒪᓂ ᑕᒡᕙᐅᓕᖅᑐᒧᑦ, ᐅᓂᑉᑲᐅᓯᖏᑎᒍᑦ ᐊᐅᓚᓂᕆᔭᐅᔪᒧᑦ, ᐅᓂᑉᑲᐅᓰᑦ ᐊᑐᖅᑕᐅ’ᓗᑎᒃ ᐅᒥᐊᕕᓃᒃ ᑖᑉᑯᐊᒃ ᒪᕐᕈᒃ ᓇᓂᔭᐅᓚᕿᓯᒪᕗᑦ.
ᐊᒧᓴᑉ ᐅᐊᔭᖅᓂᕆᔮ ᐅᑭᐅᖅᑕᖅᑐᒥ ᐅᒥᐊᓄᑦ ᐊᑉᖁᑎᓵᒍᑦ
ᐅᑭᐅᖃᖅᖢᓂ 15ᓂᕐ, ᐊᒧᓴ ᐃᓱᒪᒋᔭᖃᖅᓕᖅᑐᖅ ᐊᐅᓚᔪᒪ’ᓗᓂ ᐅᑭᐅᖅᑕᖅᑐᑯᑦ ᐊᐅᓚᓂᐅᔪᒥᒃ ᓲ ᔪᐊᓐ ᐳᕋᐃᒡᓚᒥᑦ, ᑐᓴᖃᑕᖅᓯᒪ’ᒪᑦ ᐅᓂᑉᑲᐅᓯᐅᔪᑎᒍᑦ ᐳᕋᑐᒥᒃ ᐅᒥᐊᒡᑯᑦ ᐅᑭᐅᖅᑕᖅᑐᒥ. ᑕᐃᒪ’ᓇᐃᑦᑐᑯᑦ ᐅᐊᔭᖅᓂᕆᔮᓂᒃ ᕿᓂᖅᖢᓂ ᐅᑭᐅᖅᑕᖅᑐᒡᑯᑦ ᐅᒥᐊᑉ ᐊᑉᖁᑎᒡᓵᓂᒃ ᑕᐃᒪᓗ ᐅᑎᖏᓂᕆᔮᓂᒃ. ᓴᕙᐅᑎᓂ ᐃᓕᓴᒐᖃᖅᖢᓂ ᑕᕆᐅᒡᑯᑦ ᐊᐅᓪᓚᖃᑕᖅᓂᐊᓵᖅᖢᓂ. ᐅᕙᓂ 1897ᒥ, ᐅᑭᐅᖃᖅᑐᖅ 25ᓂᒃ ᕌᓄᓪ ᐊᒧᓴ, ᐅᒥᐊᒡᑯᑦ ᐊᑎᖃᖅᑐᒡᑯᒃ ᐱᐊᓪᔨᑲᒥᒃ ᐊᐅᓚᖅᖢᓂ, ᐱᐊᓪᔨᓂᐊᓐ ᕿᓂᖅᓂᐅᔪᖅ ᐅᑮ’ᓗᓂᓗ ᐋᓐᐋᒡᑎᑲᒥ (1897ᒥ-1899ᒧᑦ).ᐅᑭᐅᒡᓂᑦ ᒪᕐᕉᒡᓂᑦ ᐊᐅᓪᓚᐅᒪᕐᓂᖓ ᐱᐊᓪᔩᑎᐊᓐᑯᑦ ᕿᓂᖅᓂᐅᔪᒥᑦ, ᑕᐃᒪᓗᕿᖑᓂᖓᒍᑦ ᐅᓂᒡᖢᓂ ᕿᓂᖅᓂᐅᔪᒥᒃ ᐱᐊᓪᔨᓂᐊᒡᑯᑦ, ᐱᔪᒡᓇᐅᑎᑖᖅᖢᓂ ᐊᖁᑎᐅᓂᖅᒧᑦ ᐅᒥᐊᖅᒥ ᑕᐃᒪᓗ ᐸ’ᓇᐃᓕᖅᖢᓂ ᐅᑭᐅᖅᑕᖅᑐᒡᑯᖅ ᕿᓂᖅᓂᕆᓂᐊᖅᑕᒥᓄᑦ: ᐊᓂᒎᑎᔪᒪ’ᓗᓂ ᐊᑉᖁᑎᒡᓴᐅᓂᐊᖅᑐᒥᒃ ᐅᒥᐊᒡᑯᑦ ᐅᑭᐅᑕᒡᑐᒡᑯᑦ.
You must be logged in to post a comment.