ᓇᑦᑎᓕᒡᒥ ᐅᑐᖅᑲᖃᖅᕕᒃ ᐅᒡᑯᐃᖅᑕᐅᓯᒪᔪᖅ ᐊᒡᑑᐱᕆ 17, 2013ᒥ ᐅᖅᓱᖅᑑᑉ ᕼᐋᒪᓚᖓᓂ, ᐅᖅᓱᖅᑑᖅ ᐱᖓᓱᒋᔭᐅᒧᖅ ᓄᓇᓕᒡᓂ, ᐅᑉᓛᖓᓃᑦᑐᓂᑦ ᕿᑎᖅᒥᐅᓂ, ᐃᓄᒋᔭᐅᔪᓪᓗ ᓇᑦᑎᓕᒡᒥᐅᑕᐅ’ᓗᑎᒃ, ᐃᓕᑦᖁᓰ ᐃᓄᐃᓗ. ᑎᒍᒥᐊᖅᑎᐅ’ᓗᑎᒃ ᐅᖃᐅᓰᓂᒃ, ᑕᓴᑉᓇ ᐊᐅᓚᓂᕆᔭᐅᔪᖅ ᓇᑦᑎᓕᐅᑉ ᐅᑐᖅᑲᖃᖅᕕᐊᓂ ᓴᖕᒋᓂᕆᔭᐅᔪᖅ ᐊᐅᓚᑕᐅ’ᓗᓂᓗ ᓇᑦᑎᓕᒡᒥ ᐅᑐᖅᑲᖃᖅᕕᐊᓂ ᐅᒡᐱᕈᓲᑕᐅ’ᓗᓂᓗ ᐅᖅᓱᖅᑑᖅᒥᐅᓂᑦ, ᐊᐅᓚᑦᑕᐅ’ᓗᓂᓗ ᑲᑎᒪᔩᓄᑦ.

ᓯᕗᓖᑦᑑ’ᔭᐅᓯᒪᔪᖅ ᐊᐅᓚᑕᐅᓂᖓᓂ ᓇᑦᑎᓕᒡᒥ ᐅᑐᖅᑲᖃᖅᕕᐊᑕ ᑲᑎᒪᔩ’ᓂ ᐃᓕᑦᖁᓯᐅᔪᖅ ᐊᑐᖅᑕᐅᖏᓇᖁ’ᓗᒍ ᐅᒡᐱᕆᔭᐅᔪᑦ ᐃᓕᑦᖁᓯᐅᔪᓄᑦ ᐃᓅᓯᐅᔪᓄᓪᓗ ᓇᑦᑎᓕᒡᒥᐅᑦ ᐃᓄᐃ’ᓄᑦ. ᓇᑦᑎᓕᒡᒥ ᐅᑐᖅᑲᖃᖅᕕᐊᓂ ᑕᐅᑐᒡᓇᖅᑎᑦᑎᔾᔪᑕᐅᒧᖅ ᐃᓕᑦᖁᓯᖅ ᓇᑦᑎᓕᒡᒥᐅᓄᑦ, ᑕᐃᒪᓗ ᓱᓐᓂᖅᑕᐃᓕᒪᖁ’ᓗᒋᑦ ᐃᓕᑦᖁᓯᐅᔪᖅ ᐅᖃᐅᓯᖅᓗ ᓴᖕᒋᒡᑎᑎᕈᑕᐅᓯᒪᖁ’ᓗᒍ ᓄᓇᓕᒡᒥᐅᓂᑦ, ᓇᑦᑎᓕᒦ ᓴᓇᐅᔮᑦ ᒥᖅᓱᒐᓪᓗ, ᑕᐅᑐᒡᓇᖅᑎᑦᑎᔪᑦ ᐃᓱᒪᒥᖔᖅᑐᑦ ᐃᓕᑦᖁᓰᑦ ᓴᓇᐅᔮᑎᒍᑦ ᑕᐅᑐᒡᓇᖅᑎᑕᐅᔪᑦ, ᓂᕕᖓᔪᓕᐅᖅᓯᒪᔪᑎᒍᓪᓗ, ᑎᑎᕋᐅᔭᖅᓯᒪᔪᑎᒍᓪᓗ, ᑕᓴᑉᑯᐊ ᐊᑐᖅᑕᐅᔪᖅ ᐅᑐᖅᑲᖃᖅᕕᒡᒥ ᑕᐅᑐᒡᓇᖅᑎᑕᐅ’ᓗᑎᒡᓗ ᐃᓕᑦᖁᓯᖅᒥᒃ, ᐅᑐᖅᖃᖃᖅᕕᒡᓗ ᑕᓴᑉᑯᐊ ᑕᐅᑐᒡᓇᖅᑎᑕᐅᔪᑦ ᐃᓄᐃᑦ ᐃᓕᑦᖁᓯᐊ ᑕᐅᑐᒡᓇᐃᓇᖁ’ᓗᒍ ᐃᑦᓴᖅᓂᑕᖅᓂᒡᓗ ᐅᓂᑉᑲᐅᓯᐅᔪᑦ. ᑲᑎᒪᔩᑦ ᐊᑐᖅᓂᐊᖅᑐᑦ ᑕᓴᑉᓇ ᐱᕙᓪᓕᐊᔾᔪᑕᐅᖁ’ᓗᒍ ᑕᐅᑐᒡᓇᖅᑐᑎᒍᑦ ᓄᓇᓕᒡᒥᐅᓂ ᐊᑐᖅᑕᒡᓴᓪᓗ ᑕᒫᓂ ᓄᓇᓕᒡᒥᐅᓂ ᐊᑐᖅᑕᐅᖃᑕᖅᑐᑦ ᑕᐃᒪᓗ ᐃᓚᓕᐅᑎᔭᐅᓯᒪ’ᓗᓂ ᖃᑉᓗᓈᓂ ᐃᓕᑦᖁᓯᐅᔪᖅ.