ᐅᒦᔭᖅᓂᑯᒃ HMS ᐃᐅᕋᐸᔅ ᐊᒻᒪ HMS ᑎᐅᕈ ᐃᑦᓴᖅᓂᑕᖅᓄᑦ ᐃᓂᒋᔭᐅᔪᒦᑦᑐᒃ ᑳᓇᑕᒥ (NHSC)ᒥ ᓇᓗᓇᐃᖅᑕᐅᓯᒪᕗᒃ ᓄᓇᖅᔪᐊᒥ ᐃᑦᓴᖅᓂᑕᖅᓄᑦ ᐃᓂᒋᔭᐅᓂᕆᔮ’ᓂᒃ ᐅᕙᓂ 1992ᒥ. ᐃᓂᒋᔭᐅᔪᒡᓗ ᐃᖢᐊᓈᖅᓯᒪ’ᓗᑎᒃ ᑳᓇᑕᐅ ᓄᓇᑕᕆᔮᓂ: ᐃᓕᖓᓂᖃᖅᖢᑎᒡᓗ ᓲ ᔪᐊᓐ ᐳᕋᐃᒡᒪᓐᒥᑦ ᐊᐅᓚᓂᕆᔮᓄᑦ ᕿᓂᕆᐊᖅᖢᓂ ᐅᑭᐅᖅᑕᖅᑐᒥ ᐅᒥᐊᖅᓄᑦ ᐊᑉᖁᑎᒡᓴᒥ ᐊᐅᓚᖅᓯᒪᓂᕆᔮᓄᑦ ᐅᕙᓂ 1845ᒥᑦ. ᑖᑉᑯᐊᒃ ᐅᒦᔭᖅᓂᑯᒃᓇᓗᓇᐃᖅᓯᒪᔾᔪᑕᐅ’ᒪᓂᒃ ᖃᐅᔨᓴᖅᓂᒡᑯᑦ ᐊᐅᓚᓂᕆᔭᐅᓂᖓ’ᓂᒃ ᑕᐃᒪᓗ ᐊᓯᖃᕈᐃᖅᓯᒪ’ᓗᑎᒃ ᓇᓂᔭᐅᓯᒪᔾᔪᑖ’ᓄᑦ ᕿᓂᕆᐊᖅᓯᒪᓂᐅᔪᒥᑦ ᐅᑭᐅᖅᑕᖅᑐᒡᑯᑦ. ᐅᕙᓂ 19ᓴᓐᑐᕆᒥ ᐅᒥᐊᒃ ᓇᓂᔭᐅᓯᒪᓂᕆᔮ’ᓄᑦ. ᐊᒥᓱᑦ ᕿᓂᕆᐊᖅᓯᒪᔪᑦ ᐊᐅᓚᖃᑕᖅᓯᒪᓕ’ᒪᑕ ᐅᑯᐊᒃ ᐊᑯᓐᓂᖓ’ᓂᑦ 1847ᒥᑦ ᐊᒻᒪ 1859ᒧᑦ ᓴᑦᕿᖅᑎᑦᑎᔾᔪᑕᐅ’ᓗᓂᓗ ᓄᓇᖑᐊᓕᐅᖅᓯᒪᔪᓂᒃ ᓯᕕᑑᒧᑦ ᑕᒡᕙᐅᔪᖅ ᖃᐅᔨᒪᔭᐅᓕᖅᑐᒧᑦ ᑳᓇᑕᐅᑉ ᐅᑭᐅᖅᑕᖅᑐᖓᓂᒃ ᑕᐃᒪᓗ ᐃᓄᐃ’ᓂᒃ, ᑕᐃᑉᓱᒪᓂᑦ ᐅᑉᓗᒥᒧᑦ ᑎᑭ’ᓗᒍ, ᐅᓂᑉᑳᖃᑕᖅᓯᒪ’ᒪᑕ ᖃᐅᔨᒪᔭᒥ’ᓂᒃ ᐊᐅᓚᓂᕆᔭᐅᔪᒧᑦ. ᐊᑐᖅᑕᐅ’ᓗᓂ ᐅᓂᑉᑲᐅᓰᑦ ᐅᒥᐊᕕᓃᒡᓄᑦ ᓇᓂᔭᐅᓚᕿᓯᒪ’ᒪᓂᒃ

ᑳᓇᑕᓕᒫᒥ ᐃᑦᓴᖅᓂᑕᖅᓄᑦ ᐃᓂᒋᔭᐅᔪᖅ ᓇᓗᓇᐃᔭᖅᑕᐅᓯᒪᕗᖅ ᑖᑉᑯᒡᓄᖓᑦ ᒪᕐᕉᒡᓂᒃ ᐃᓂᒋᔭᐅᔪᒡᓄᑦ ᐅᒦᔭᖅᓯᒪᓂᑰᒡᓄᑦ ᐃᒪᐅᑉ ᖄᖓ ᐃᒪᐃᑉᓗ ᓇᑎᖓ. HMS ᐃᐅᕋᐸᔅᒧᑦ ᐃᓂᒋᔭᐅᔪᖅ ᑕᐅᕙᓂ ᐅᒡᔪᓕᒡᒦᑦᑐᖅ ᐊᑕᐃᐊᑉ ᐅᑉᓛᖓᓃᑦᑐᖅ ᑕᕆᐅᖓᓂ, ᕿᑎᖅᒥᐅᑦ ᑎᑎᖅᓯᒪᓂᖓᑕ ᐃᓗᐊᓂ (ᕿᑭᖅᑕᖅᒥᐅᑦ) ᓄᓇᕗᑦᒥ ᑕᒫᓂ ᑳᓇᑕᒥ. ᐃᒪ’ᓇ ᐅᖓᓯᒡᓂᖃᑉᔭᒡᖢᓂ 125km ᐅᖅᓱᖅᑑᒥᑦ 275km ᑕᐃᑲ’ᖓᑦ ᐃᑲᓗᒡᑑᑦᑎᐊᒥᑦ, ᓄᓇᓖᒃ ᖃᓂᓐᓂᓴᐃᑑᔪᒃ. ᓴᐳᑎᔭᐅᓯᒪᓂᕆᔮᑕᓗ ᑎᑎᖅᓯᒪᓂᕆᔮ ᐊᖏᓂᖃᖅᖢᓂ 10kmᒥᑦ 10kmᒧᑦ ᐃᓗᓕᖃᖅᖢᓂ ᐅᒦᔭᖅᓯᒪᓂᑯᖅᒥᒃ ᐃᐅᕋᐸᔅᒥᒃ ᐊᓯᕈᖅᑎᖅᓯᒪᓂᑯᖅᓂᒡᓗ ᐃᓚᖃᖅᖢᓂ. ᐅᓇᓗ HMS ᑎᐅᕈ ᐃᓂᖃᖅᖢᓂ ᐊᒥᕐᕉ ᑲᖏᖅᖢᐊᓂ ᑕᒫᓂ ᑲᖏᕙᓪᓗᐊᑕ ᐅᐊᓕᔮᖓᓃ’ᓗᓂ ᐅᖅᓱᖅᑑᑉ. ᐅᖓᓯᒡᓂᕆᔮᓗ 125km ᑖᒫ’ᖓᑦ ᐅᖅᓱᖅᑑ. ᐃᓂᒋᔮᓗ 5.5km 10.5 km ᓴᐳᑎᔭᐅᓯᒪᔪᑉ ᐃᓗᐊᓃᑦᑐᒃ. ᑖᑉᑯᐊ ᐃᓂᒋᔭᐅᔪᒃ ᓴᐳᑎᔭᐅᓯᒪᕝᕕᒦ’ᒪᓂ. ᐃᓂᒋᔭᐅᔪᒡᓗ ᑖᑉᑯᐊᒃ ᐃᓪᓗᐊᖅᓯᔭᐅᓯᒪᔪᒃ ᒪᓕᒑᒡᓄᑦ ᒪᕐᕉᒡᓄᑦ ᐃᓪᓗᐊᓴᖅᑕᐅᓯᒪᔪᒡᓄᑦ ᑳᓇᑕᒥ ᒪᓕᒐᕆᔭᐅᔪᖅ ᐊᑐᖅᖢᒍ ᐅᑯᓄᖓᑦ ᑳᓇᑕᒥ ᓄᓇᖓᓄᑦ ᒥᖕᒍᐃᖅᓯᖅᕕᒡᓄᑦ ᒪᓕᖔᑦ ᐊᑐᖅᖢᒍ ᑕᐃᒪᓗ ᕿᑎᖅᒥᐅᓂᑦ ᐃᓄᐃᑦ ᑲᑐ’ᔨᖃᑎᒌᑦ ᑲᑎᒪᔩᑕ ᒪᓕᒑᓄᑦ (KIA) ᐱᖁᑎᑐᖃᕕᓃᓪᓗ (ᐱᖁᑎᕕᓃᑦ) ᑎᒍᔭᐅᔪᑦ ᑕᐃᑲ’ᖓᑦ 2018ᒥ ᑭᖑᓂᖓᓄᑦ ᐊᑐᓂ ᐱᖁᑎᒋᔭᐅᓂᐊᖅᑐᑦ ᑳᓇᑕᒥ ᒥᖕᒍᐃᖅᓯᖅᕕᓕᕆᔩᑦᑯ’ᓄᑦ (PCA) ᐊᒻᒪᓗ ᐃᓄᐃᑦ ᐱᖁᑎᖏ’ᓂᒃ ᑎᒍᒥᐊᖅᑎᓄᑦ (IHT).

ᖃᐅᔨᓴᖅᑕᐅ’ᓗᑎᒡᓗ ᑳᓇᑕᒥ ᒥᖕᒍᐃᖅᓯᖅᕕᓕᕆᒡᔨᓄᑦ ᖃᐅᔨᓴᖅᑎᐅᔪᓂᑦ ᐃᓪᓗᐊᖅᓴᖅᑕᐅ’ᓗᑎᒃ ᑕᑯᒥᓇᖅᓴᖅᑕᐅ’ᓗᑎᒡᓗ ᐃᓕᑦᖁᓯᖏ’ᓄᑦ ᐅᑎᖅᑎᑕᐅᓇᓱᐊᖅᖢᑎᒃ ᐃᒻᒪᖄ ᐃᓂᖅᓯᒪᓕᖅᐸᑕ ᑐᑭᓯᓇᖅᓯᓂᐊᖅᑐᑦ ᑕᐅᑐᒡᓇᑦᑎᐊᓕᖅᓗᑎᒡᓗ ᑖᑉᑯᓇᓂ’ᖔᖅᑐᑦ ᐅᒦᔭᖅᓯᒪᓂᑯᖅᒥᑦ. ᑕᒡᕙᐅᔪᖅᓗ ᑎᑎᕋᖅᑕᐅᕙᓪᓕᐊᔪᖅ ᓯᕗᓂᒡᓴᒥ ᖃᐅᔨᒪᓇᖅᓯᕙᓪᓕᐊᓂᐊᖅᖢᓂᓗ ᑐᑭᓯᓇᖅᓯᕙᓪᓕᐊᓂᐊᖅᑐᑦ ᑕᐅᑐᒡᓇᖅᓯᑎᐊᕈᑎᒃ ᑐᑭᓯᓇᖅᓯᓂᐊᖅᑑ ᑳᓇᑕᒥ ᐃᑦᓴᖅᓂᑕᖅᓄᑦ ᐃᓂᒋᔭᐅᔪᒦᑦᑐᑦ

ᐅᒦᔭᖅᓯᒪᓂᑯᒃ HMS ᐃᐅᕋᐸᔅ HMS ᑎᐅᕈᓗ ᐊᒡᑑᒪᓂᖃᖅᑐᒃ ᐳᑎᔅᒥᐅᑦ ᐊᑕᓂᕆᔭᐃ’ᓄᑦ ᐊᐅᓚᓯᒪᔪᒃ ᐅᑭᐅᖅᑕᖅᑐᒥ ᐅᒥᐊᓄᑦ ᐊᑉᖁᑎᒡᓴᒥ ᕿᓂᖅᑎ’ᓗᒋᑦ ᑕᕆᐅᖅ ᐊᑕᐅᓯᐅᓂᖓᓂᒃ ᖃᐅᓕᔾᔪᑕᐅ’ᓗᓂ ᐊᑦᓛᓐᑎᒃ ᐸᓯᕕᒡᓗ ᑕᕆᐅᖏᒃ. ᐃᐅᕋᐱᐊᓐᑯᑦ ᕿᓂᓕᖅᓯᒪᔪᑦ ᐊᑐᕈᒡᓇᖅᑐᒥ ᐅᒥᐊᓄᑦ ᐊᑉᖁᑎᒡᓴᒥ 15ᓴᓐᑐᕆᒥ ᐱᒋᐊᖅᖢᒍ ᐱᒋᐊᕈᑎᖃᖅᖢᓂ ᕿᓂᖅᖢᓂ ᐊᐅᓚᔪᒥᒃ ᒫᑎᓐ ᕘᐱᔅᓱᒥᒃ. ᕼᐃᐊᑐᕆ ᕼᐊᑦᓯᓐ ᐊᓯᖏᓗ ᑕᐃᑲ’ᖓᖅ 1818ᒥᑦ, ᐃᓱᖃᖅᖢᓂ ᓂᐴᓕᐊᓐᑯ’ᓂᒃ ᐅᓇᑕᓕᖅᑎᑦᑎᓯᒪᓂᖓᓄᑦ. ᐳᑎᔅᒥᐅᑦ ᓱᓕ ᐃᓱᒪᒋᔭᖃ’ᒪᑕ ᓇᓂᓯᔪᒪ’ᓗᑎᒃ ᐅᑭᐅᖅᑕᖅᑐᒡᑯᑦ ᐅᒥᐊᓄᑦ ᐊᑉᖁᑎᒡᓴᒥᕐ ᕿᓂᕆᐊᑦᕿᒡᓴᓕᖅᓯᒪᔪᑦ. ᐅᑭᐅᓂᑦ 30ᓂᒃ ᐅᖓᑖᓄᓪᓘᓃᑦ, ᐊᑕᐅᓯᐅᖏᑦᑐᑦ ᐅᒥᐊᑦ ᐊᐅᓪᓚᖃᑕᖅᓯᒪᒧᑦ ᕿᓂᕆᐊᖅᖢᑎᒃ ᐃᓚᓕᐅᑎᔭᐅᓯᒪ’ᓗᓂ ᓄᓇᒡᑯᖅ ᕿᓂᖅᓂᖅᒥᒃ ᐱᓱᒡᖢᑎᒃ ᕿᓂᕆᐊᓯᒪᔪᑦ ᐅᑭᐅᖅᑕᖅᑐᒧᑦ ᑎᑭ’ᓗᒍ ᐊᒥᐊᕆᐅᑦ ᕿᓂᖓᓄᑦ ᐊᒡᓛᑦ ᑎᑭ’ᓗᒍ. ᐅᒥᐊᒧᑦ ᐊᑉᖁᑕᐅᔪᒡᓇᖅᑐᒥᒃ ᓇᓂᓯᓯᒪᖏᑦᑲᓗᐊᖅᖢᑎᒃ, ᖃᐅᔨᓴᕈᑕᐅᔪᑉ ᑎᑎᕋᖅᑕᐃᒡᓂᒃ ᐅᑦᖁᔨᓯᒪᕗᑦ ᐅᑭᐅᖅᑕᖅᑐᒧᑦ ᐃᓕᖓᔪᓂᒃ ᑕᐃᑯᖓ ᐳᑎᔅᒥᐅᓄᑦ. ᐃᓚᓕᐅᑎᓯᒪᔭᐅ’ᓗᓂ ᓄᓇᖑᐊᓕᐅᖅᑕᐅᓯᒪᔪᖅ ᓇᓗᓇᐃᑦᑯᑕᐅ’ᓗᓂ ᖃᐅᔨᒪᔾᔪᑎᒡᓴᖅ. ᓄᑖᒥᒃ ᕿᓂᕈᑎᒡᓴᒥᒃ ᓴᑦᕿᖅᑎᑦᑎᔪᖃᖅᖢᓂ ᑕᐃᑲᓕ 1845ᒥ, ᐊᑕᓂᕆᔭᐅᔪᓂᑦ ᐃᓚᐅᔪᑦ ᐳᑎᔅᒥ ᐅᒥᐊᓄᑦ ᐊᑉᖁᑎᒡᓴᖅ ᓇᓗᓇᐃᓯᒪᓂᕋᖅᑕᐅᓕᖅᖢᓂ.

ᓲ ᔪᐊᓐ ᐳᕋᐃᒡᓚᓐ ᑎᒡᑯᐊᖅᑕᐅ’ᓗᓂ ᐊᐅᓚᑦᑎᑯ’ᓗᒍ ᐊᐅᓚᓂᐊᖅᑐᓄᑦ 1845ᒥ ᐃᓚᖃᖅᓗᓂ ᕗᕌᓐᓯᔅ ᕌᑕᓐᒥᒃ ᒧᐃᕋᓐ ᑰᓯᓂᐅ ᒡᑯᑦ ᐊᑕᐅᓯᐅᖏᑦᑐᑯᑦ ᐊᐅᓚᖃᑕᖅᓯᒪᔪᖅ ᐅᒥᐅᐊᐅᒪᑦᑎᓂᖅᒧᑦ ᑐᒡᓕᕆᔭᐅᓗᑎᒃ. ᐳᕋᐃᒡᓚᓐ ᐊᑯᓂ ᐅᒥᐊᖅᒥᐅᑕᐅᔪᖅ ᐅᓇᑕᖅᑎᐅᒐᒥ ᐊᐅᓚᖃᑕᐅᓯᒪᒋ’ᓗᓂ 1818ᒥ ᐊᐅᓚᓂᐅᔪᒥᒃ ᐅᑭᐅᖅᑕᖅᑐᑉ ᓄᕗᐊᓄᑦ ᐊᐅᓚᔪᓄᑦ. ᐳᕋᐃᒡᓚᓐ ᐊᑕᓂᕆᔭᐅᔪᒧᑦ ᑐᒡᓕᕆᔭᐅ’ᓗᓂ ᕿᓂᖅᓂᐅᔪᒥ, ᐊᐅᓚᑎᔨᐅᔪᒧᑦ ᑕᐃᕕᑦ ᐸᒃᕼᐋᓐᒧᑦ ᐅᒥᐅᒡᓄᑦ ᒪᕐᕉᒡᓄᑦ HMS ᑐᐊᓯᐊᒧᑦ ᐊᒻᒪ HMS ᑐᕆᐊᓐᒧᑦ. ᐳᕋᐃᒡᒪᓐ ᕿᖑᓂᖓᒍᑦ ᓇ’ᒥᓂᑦ ᐊᒥᐊᕆᑲᖅ ᑭᑎᖓᑕ ᓯᓈᒍᑦ ᐊᐅᓚᓯᒪᒋᕗᖅ ᓄᓇᒡᑯᑦ ᕿᓂᖅᖢᓂ, ᐊᒥᐊᕆᑲᑉ ᑭᓂᖓᓃᑦᑐᒥᒃ ᑕᕆᐅᑉ ᓯᓈᓂᒃ (1819ᒥᑦ-1822ᒧᑦ ᐊᒻᒪ 1825ᒥᑦ-1827ᒧᑦ). ᑰᓯᒧᓂᐅ ᑖᑉᓇ ᖃᐅᔨᒪᔪᖅᑕᐅᖅ ᐊᐅᓚᓂᖅᒥᒃ ᐅᑭᐅᑦᑕᖅᑐᒡᑯᑦ. ᑕᒪᒡᑭ’ᓂ ᐅᑭᐅᖅᑕᖅᑐᒥ ᑕᐃᒪᓗ ᑲᓂᒡᑯᑦ, ᑳᑉᑕᐅ’ᓗᓂ HMS ᑎᐅᕈᑯᑦ ᔭᐃᒻᔅ ᑲᒫᑉ ᐊᐅᓚᓂᕆᔮᒍᑦ ᐋᓐᐋᒡᑎᑲᒡᑯᑦ ᐊᐅᓚᓂᖃᖅᑎ’ᓗᒍ (1839ᒥᑦ-1843ᒧᑦ).

ᐅᒥᐊᒃ ᒪᕐᕈᒃ ᐊᑕᓂᖃᖅᖢᑎᒃ ᐳᕋᐃᒡᓚᓪᒥᒃ ᐊᐅᓚᕈᒦᓕᖅᑐᒃ ᐅᒥᐊᒃ ᖄᖅᑕᖅᑐᓕᕆᔾᔪᑎᕕᓃᒃ, ᐅᒥᐊᒃ ᐳᑎᔅᒥᐅᓂᑦ ᐊᑕᓂᕆᔭᐅᔪᓂᑦ ᐃᓪᓗᐊᖅᓴᖅᑕᐅᓯᒪᔪᕕᓃᒃ ᐊᐅᓚᔪᒡᓴᖑᖅᑎᑕᐅᓯᒪ’ᓗᑎᒃ ᐅᑭᐅᖅᑕᖅᑐᒥ ᕿᓂᕈᑕᐅᓗᑎᒃ. ᐳᑭᑦᑑ’ᓗᑎᒃ ᖄᖅᑕᖅᑐᓂᒃ ᐅᓯᔾᔪᑏᒃ ᐃᓗᐊᒃ ᐊᓯᕈᑲᐅᑎᒋᓚᐃᔭᖅᓯᒪᔪᒃ ᐃᒡᓂᖁᑕᐃ’ᓄᑦ ᑕᐃᒪᓗ ᓯᑯᓄᑦ ᐊᓯᕈᓚᐃᔭᖅᓯᒪ’ᓗᑎᒃ ᓴᓇᔭᐅᓯᒪᔪᒃ. HMS ᑎᐅᕈ ᐃᒫᖅᑎᑕᐅᓯᒪᔪᖅ 1830ᒥ. ᐊᑐᖅᑕᐅᓯᒪᓕᖅᑐᖅ ᐅᓇᑕᕈᑕᐅ’ᓗᓂ 1812ᒥ, ᑕᐃᒪᓗ ᓯᕗᓖᑦᑐᒥ ᐊᐅᓚᔾᔪᑕᐅ’ᓗᓂ ᐅᑭᐅᖅᑕᖅᑐᒧᑦ ᐊᐅᓚᑎᔨᖃᖅᖢᓂ ᔪᐊᔅ ᐹᒡᒧᑦ ᐅᕙᓂ (1836ᒥᑦ-1837ᒧᑦ). HMS ᐃᐅᕋᐸᔅ ᐃᒫᑎᑕᐅᓯᒪᔪᖅ ᐅᕙᓂ 1826ᒥ ᐊᖏᓂᖅᓴᐅᓐᓄᐊᖅᖢᓂ ᑎᐅᕈᒥᐅᖕᒐᓂᑕᐃᒪᓗ ᐃᓪᓗᐊᖅᓴᖅᑕᐅ’ᓗᓂ ᐊᓯᕈᓚᐃᔭᖅᑕᐅ’ᓗᓂ ᐅᑭᐅᖅᑕᖅᑐᒥ ᐊᑐᖅᑕᐅᔪᒡᓴᐅᑎ’ᓗᒍ ᐅᕙᓂ 1839ᒥ. ᐅᒥᐊᒡᓗ ᑕᒪᖅᒥᒃ ᐊᑐᖅᑕᐅᓯᒪ’ᓗᑎᒃ ᕿᓂᕈᑕᐅᔪᒥ ᐋᓐᐋᒡᑎᑲᒥ (1839ᒥ-1843ᒧᑦ) ᐊᐅᓚᑦᑎᔨᖃᖅᖢᑎᒃ ᔭᐃᒻᔅ ᕌᔅ ᑲᓛᒡᒥᒃ. ᐊᐅᓚᖅᓂᐊᓵᖅᓂᖓ’ᓂ ᐳᕋᐃᒡᓚᓐ ᐅᕙᓂ 1845ᒥ, ᐅᒥᐊᒃ ᑕᒪᖅᒥᒃ ᐃᓪᓗᐊᖅᓴᖅᑕᐅᕚᓕᖅᖢᑎᒃ ᐅᑭᐅᖅᑕᖅᑐᒥ ᐊᓯᕈᖅᑕᐃᓕᕚᓪᓕᕈᑎᒡᓴᖏ’ᓄᑦ ᖃᓪᓕᖅᑐᖅᑕᐅᕚᓪᓕᖅᖢᑎᒃ ᓴᕕᒡᓂᒃ ᐃᓕᐅᕋᐃᕚᓪᓕᖅᑕᐅ’ᓗᑎᒃ ᓯᕗᓂᖓ’ᓄᑦ. ᐊᑐᓂ ᐱᖓᓱᓂᒃ ᓇᐸᖅᑎᖃᕋᓗᐊᖅᑎ’ᓗᒋᒃ ᐅᒥᐊᒃ ᐊᑐᓂ ᐃᒡᓂᖁᓯᖅᑐᖅᑕᐅ’ᓗᑎᒃ ᑕᑭᔪᓄᑦ ᐊᒡᓴᓘᑎᖅᔪᐊᕐ ᐃᒡᓂᖁᑕᐃᓂᒃ ᐃᓕᐅᕋᖅᑕᐅ’ᓗᑎᒃᐸᐅᑎᖏᒡᓗ ᑭᑭᐊᒡᓄᑦ ᐸᓚᖓᐃᔭᖅᑕᐅ’ᓗᑎᒃ, ᐊᓯᕙᖅᑕᐅᖃᑕᖁ’ᓗᒋᒃ ᓯᑯᓯᐅᕆᐊᖄᖓᓂᒃ ᐊᓯᕈᖅᑕᐅᖁᓇᒋᑦ ᓯᑯᓄᑦ. ᑖᑉᑯᐊᒡᓗ ᐊᖓᔪᖅᑳᖅᔪᐊᒧᑦ ᐅᒥᐊᕆᔭᐅᔪᒃ ᐊᐅᓚᖅᑎᑕᐅᓯᒪᔪᒃ ᓯᕗᓪᓖᑦᑑ’ᓯᒪᔪᒡᓗ ᐅᐊᔭᕈᑕᐅ’ᓗᑎᒃ ᐅᑭᐅᖅᑕᖅᑐᒥ ᐅᓱᒡᓴᖃᑦᑎᐊᖏᑦᑲᓗᐊᖅᖢᑎᒃ, ᐊᐅᓚᓂᐅᓂᐊᖅᑐᖅ ᑲᔪᓯᑎᑕᐅᓯᒪᕗᒃ. ᐅᒥᐊᒃ ᑕᒪᖅᒥᒃ ᐃᓪᓗᐊᖅᓴᖅᑕᐅᑎᐊᖅᓯᒪᔪᒃ ᓇᖁᑎᖃᖅᖢᑎᒃ ᐊᑐᓂ ᐊᑕᓂᕆᔭᐅᔪᑉ ᐃᓄᖁᑕᐃᑕᓗ ᓇᔪᖅᓂᐊᖅᑖ’ᓂ ᓯᓂᒡᕕᒡᓂ ᑕᐃᒪᓗ ᑕᖁᐊᖃᖅᑎᑕᐅ’ᓗᑎᒃ ᐅᑭᐅᓄᑦ ᐱᖓᓱᓄᑦ ᐃᓪᓗᐊᖅᓯᓯᒪᔪᓂᒃ. ᐊᐅᓚᓂᐅᓂᐊᖅᖢᑎᒃ ᐊᐅᓚᖅᓯᒪᔪᒃ ᒪᐃ 19, 1845ᒥ, ᑕᒪᖅᒥᒃ ᐃᓪᓗᐊᖅᓴᑕᐅᓯᒪᑦᑎᐊᖅᑐᐃᓇᐅᔪᒃ ᓄᑖᓂᒃ ᐃᖢᐊᖁᑎᓂᒃ ᐃᓕᐅᕋᖅᕕᐅᓯᒪᒐᒥ, ᐊᐅᓚᖅᑎᑕᐅ’ᓗᑎᒡᓗ ᐅᑭᐅᖅᑕᖅᑐᒧᑦ.

ᐅᒥᐊᒃ ᑖᑉᑯᐊᒃ ᖃᓂᕐᕋᖅᑕᐅ’ᓗᑎᒃ ᑕᐃᑯᖓ ᐊᑯᑭᑦᑐᒧᑦ ᐸᕇᑐᒧᑦ ᒥᑭᓂᖅᓴᒧᑦ, ᐅᓯ’ᓗᓂ ᓇᒡᓴᖅᑕᐅᔪᒡᓴᑦ ᐃᓚᖏ’ᓂᒃ. ᔪᓚᐃ 1845 ᐊᑐᓕᕆᐊᓵᖅᑎ’ᓗᒍ ᓄᑦᖃᖓᓂᖏ’ᓂ ᕿᑭᖅᑕᒥ ᐃᖃᓗᒡᓯᐅᖅᕕᒡᒥ ᐊᑯᑭᑦᑐᑉ ᐅᐊᓕᔮᖓᑕ ᓯᓈᓂᑦ ᐅᓯ’ᓗᓂ ᓇᓵᖅᑕᐅᕚᓕᖅᑐᒡᓴᓂᒃ. ᐊᑕᓂᕆᔭᐅᔪᒃ HMS ᐃᐅᕋᐸᔅᒥ ᑕᑯᔭᖅᑐᖅᓯᒪᔪᒃ ᐃᓄᒡᓂᒃ ᐅᖃᐅᓰᑕ ᑎᑎᕋᐃ’ᓂᒃ ᑐᓴᕆᐊᖅᐹᓪᓕᖅᖢᑎᒃ, ᐃᓱᒪᒋ’ᓗᒍ ᑕᓴᑉᓇ ᖃᐅᔨᕚᓕᖅᓂ ᐃᑲᔪᖅᓂᖃᖁ’ᓗᒍ ᑕᑯᓂᕈᑎᒃ ᐊᐅᓚᓂᖅᒥ’ᓂᑦ ᐃᓄᒡᓄᑦ ᐊᓯᖏ’ᓂ, ᑭᖑᓪᓖᑦᑐᒥᒡᓗ ᑖᑉᑯᐊ ᖃᑉᓗᓈᑦ 129ᔪ ᐅᒥᐊᖅᒧᑦ ᐃᓄᒋᔭᐅᔪᑦ ᑕᑯᔭᐅᓯᒪᔪᑦ, ᑖᑉᑯᓇ’ᖓᑦ ᐊᖅᕙᒡᓂᐊᖅᑎᓂ ᔪᓚᐃᑉ 1845 ᓄᖕᒍᐊᓂ ᐳᕋᐃᒡᓚᓐ ᑕᒫᓂ ᓯᑯᐃᖅᓰᑎ’ᓗᒍ ᐊᐅᓪᓚᕈᑎᒡᓵ’ᓂᑦ ᑕᐅᕗᖓ ᕿᑭᖅᑖᓘᑉ ᓄᓇᖓᓄᑦ.

ᖃᑉᓗᓈᑦ ᐃᓱᒪᒋᔭᖃᕋᓗᐊᖅᖢᑎᒃ “ᖃᐅᔨᔪᒪ’ᓗᑎᒃ” ᐅᒥᐊᖅᒧᑦ ᐊᑉᖁᑎᒡᓴᒥᒃ ᐅᑭᐅᖅᑕᖅᑐᒡᑯᑦ. ᐃᓄᐃᑦ ᑕᒪᑐᒥᖓᑦ ᓄᓇᐊᖅᑐᕕᓂᑐᖃᐅ’ᒪᑕ ᑕᐃᒪ’ᖓᓕᒫᖅ. ᐊᑕᐅᓯᐅᖏᑦᑐᑦ ᐅᖃᐅᓯᓕᕆᔩᑦ ᐃᓕᑦᖁᓯᖃᖃᑕᐅᖏᑦᑐᓪᓗ ᐊᑕᐅᓯᐅᖏᑦᑐᑦ ᓄᓇᒥᒃ, ᓯᑯᒥᒡ, ᑕᐃᒪᓗ ᐃᒫᓂᒃ ᖃᐅᔨᒪ’ᒪᑕ ᐊᑉᖁᑕᐅᓂᐊᖅᑐᒥ’ᒃ ᕿᓂᕈᒦᖅᑐᓄᑦ ᐃᖏᕐᕋᕕᐅᓂᐊᖅᑐᒥᒃ. ᑕᐃᑲ 1845ᒥᑦ ᐃᓄᒡᓂᒃ ᖃᑯᖃᑕᖅᓯᒪᔪᑦ ᑭᓯᐊᓂᒃ ᖃᐅᔨᒪᔭᖃᓗᐊᖏ’ᓗᑎᒃ ᕿᑭᖅᑕᒥᐅᑕᖅᓂᒃ. ᐃᓄᐃᑦ ᕿᑭᖅᑕᒥ ᖃᓂᖓᓂᓗ ᐊᒥᓲᖏ’ᓗᑎᒃ ᐊᑕᐅᑦᑎᒦᖃᑕ’ᒪᑕ ᐊᐅᓚᕙᒡᑐᑦ ᕿᑭᖅᑕᒥᑦ ᐃᓗᐃᓕᖅᒧᑦ, ᐃᓚᓕᐅᑎᓯᒪ’ᓗᒍ ᑭᒐᐃᓚᖅ ᑭᖕᒐᐃᓚᐅᑉ ᐅᑉᓛᖓᓃᑦᑐᒧᑦ ᑕᒫ’ᖓᑦ ᕿᑭᖅᑕᒥᑦ. ᐊᕐᕌᒍᖅ ᓱᓇᐅᓂᖓ ᐊᑐᖅᖢᒍ. ᖃᐅᔨᒪᔭᐅᔾᔪᑎᖃᖅᑐᑦ ᓇᑦᑎᓕᒡᒥᐅᑕᐅᓂᖏ’ᓂᒃ, ᐃᓄᒋᐊᖏᑦᑐᑦ ᓇᑦᑎᓕᒡᒥᐅᑕᐅᔪᑦ, ᐃᓄᐃᓪᓗ ᐅᑉᓛᖅᖡᑦ ᐅᑉᓗᒥ ᖃᐅᔨᒪᔭᐅᔾᔪᑎᖃᓕᖅᑐᑦ ᐊᐃᕕᓕᒡᒥᐅᑦ ᑕᐃᒪᓗ ᐊᖅᕕᓕᒡᔪᐊᖅᒥᐅᑦ, ᑖᑉᑯᐊ ᖃᑉᓗᓈᓂᒃ ᑕᑯᖃᑕᖅᓯᒪᓕᖅᑐᑦ ᖃᓂᖓᒍᑦ ᑎᑭᑕᐅᓯᒪᓕ’ᒪᑕ ᔪᐊᓐ ᕌᔅᒧᑦ ᖃᖏᐊᖓᓗ ᔭᐃᒻᔅ ᑲᓛᒃᓗ ᑕᒫᓂ (1829ᒥᑦ-1832ᒧᑦ). ᐃᓄᐃᑦ ᓄᓇᖓᓂᒃ ᑐᓴᖅᖠᖅᑐᐃᓯᒪ’ᓗᑎᒃ ᕌᓯᔅᑯ’ᓂᒃ, ᖃᐅᔨᒪᑕᕆᔭᐅ’ᓗᑎᒡᓗ, ᑕᐃᒪᓗ ᐊᓐᓇᐅᒪᑎᑦᑎ’ᓗᑎᒃ ᐅᑭᐅᓇᔪᐊᓂ ᖃᑉᓗᓈᓂᒃ ᓴᓇᖃᑕᖅᖢᑎᒡᓗ ᑐᓵᔨᐅ’ᓗᑎᒃ, ᑕᐃᒪᑦᑕᐅᖅ ᑕᐃᒪ’ᓇᐃᓕᐅᕈᓇᖅᓯᒪᒐᓗᐊᕆ’ᓗᑎᒃ ᐳᕋᐃᒡᓚᓐᒧᑦ ᑖᑉᓱᒧᖓ ᕿᓂᕆᐊᓯᒪᔪᒧᑦ

ᐅᕙᓂ 1847ᒥᐊᕐᕌᒍᒃ ᒪᕐᕈᒃ ᖄᖏᖅᖄᑎ’ᓗᒋᒃ ᑐᓴᖅᑕᐅᒋᐊᖏ’ᒪᑕ ᐳᕋᐃᒡᓚᓐ ᐃᓄᖁᑕᐃᓗ. ᕿᓂᕆᐊᑐᒡᓴᓂᒃ ᐊᐅᓚᖅᑐᖃᖅᓯᒪᔪᖅ, ᓯᕗᓖᑦᑐᖅ ᕿᓂᕆᐊᖃᑕᖅᑐᒡᓴᓂᑦ 30ᖑᓂᐊᖅᑐᓂᑦ ᑕᒫᓂ ᐊᕐᒎᓂᐊᖅᑐᓂᑦ ᖁᓕᓂᑦ. ᑕᒪᖅᒥᒃ ᕿᓂᕆᐊᖃᑕᖅᑐᕕᓃᑦ ᐅᒥᐊᖅᒥ ᐅᓇᑕᖅᑐᒡᓴᐅ’ᓗᑎᒃ, ᑭᓯᐊᓂ ᓲ ᔪᐊᓐ ᐳᕋᐃᒡᓚᓐ ᓄᓕᐊᖓ ᔩᓐ ᓴᑦᕿᖅᑎᑦᑎᓯᒪᕗᖅ ᓇ’ᒥᓂᖅ ᐊᐅᓚᑕᒥᓂᒃ ᕿᓂᕆᐊᑐᒡᓴᓂᒃ . ᕿᓂᕆᐊᖅᓯᒪᔪᑦ ᐊᖏᕐᕋᖃᑕᖅᓯᒪᔪᑦ ᑐᓴᒐᒡᓴᖅᑕᖃᕋᑎᑦ ᐅᒥᖓ’ᓂ ᐃᓄᒡᑕᐃᓂᒡᓗ. ᐅᕙᓂ 1850ᒥ ᓄᑦᖃᖓᕝᕕᒋᔭᕕᓂᐊ’ᓂᒃ ᓇᓂᔭᐅᔪᖃᖅᖢᓂ ᐲᑦᑎ ᐊᐃᓚᓐᒥ, ᑖᑉᓇ ᕿᑭᖅᑕᖅ ᑎᑎᕋᖅᑕᖃᖏᑦᑐᖅ ᐅᕙᓘᓃᑦ ᐊᓯᐊᒍᑦ ᓇᓗᓇᐃᓯᒪᔪᖅᑕᖃᕋᓂ ᑐᓴᐅᒪᔾᔪᑎᒡᓴᒥᒃ ᕿᒪᐃᕕᐅᓂᕋᓂ ᐱᖓᓱᓂᒃ ᐃᓗᕕᖅᑕᖃᖅᖢᓂ ᐃᓅᓱᐃᖅᑐᕕᓂᖅᓂᒃ.

ᕿᖕᒐᐃᓚᖅᒥ ᐅᕙᓂ 1854ᒥ, ᕇ ᖃᐅᔨᓯᒪᔪᖅ ᐃᓄᒡᓂᑦ ᓇᑦᑎᓕᒡᒥᐅᓂᑦ ᑕᑯᔭᒥᓂᑦ ᐊᕐᕕᓕᒡᔪᐊᑉ ᖃᓂᒋᔮᓂᑦ ᑐᓴᖅᑎᑕᐅᓯᒪᔪᖅ ᐊᒥᓱᓂᒃ ᖃᑉᓗᓈᓂᒃ ᑭᐱᓕᖅᑐᓂᒃ ᑕᐃᒪᓗ ᑐᖁᕋᕐᐸᓪᓕᐊᓕᖅᑐᓂᒃ “ᐅᖓᓯᒡᑐᒥᒃ ᐅᐊᓕᔮᕙᓪᓗᐊᓂᑦ”. ᑐᓴᖅᑎᑕᐅ’ᓗᑎᒡᓗ ᑕᐃᑉᑯᐊᑦ ᐃᓅᖃᑎᒋᔭᒥ’ᓂᒃ ᓂᕆᖃᑕᓕᖅᓂᕋᖅᑕᐅ’ᓗᑎᒃ. ᕇ ᓇ’ᒥᓂᖅ ᐱᓯᒪᔭᖃᓕᖅᖢᓂ ᐱᖁᑎᓂᒃ ᐃᐅᕋᐸᔅᒥᖔᖅᑐᓂᒃ ᑎᐅᕈᒥᓪᓗ ᑖᑉᑯᓇ’ᖓᑦ ᐅᒥᐊᖅᒥᖔᖅᑐᓂᒃ ᑕᓴᑉᑯᓇ’ᖓᑦ ᐊᖅᕕᒡᔪᐊᖅᒥᐅᑕᖅᓂᑦ ᓇᓂᓯᒪᔭᐃᓄ ᑐᓴᐅᒪᓕᕇᖅᖢᑎᒃ ᐳᑎᔅᒥᐅᑕᖅᓂᑦ. ᐃᓄᒡᓂᖔᖅᑐᓂ ᑐᓴᐅᒪᓕᕋᓗᐊᖅᖢᑎᒃ ᐃᓱᒪᓘᑕᐅᓯᒪᕗᑦ ᐸᓯᒡᖠᕈᑕᐅ’ᓗᑎᒃ ᐃᓄᒡᓄᑦ ᐳᑎᔅᒥᐅᑕᖅᓄᑦ. ᕇ ᐃᓂᕋᐃ’ᓗᓂᓗ ᑐᓴᖅᑕᒥᓂᒃ. ᐃᑲᔪᖅᑐᐃᕙᓪᓗᓕᖅᖢᓂ ᐃᓄᒡᓂᒃ ᑐᓴᐅᒪᔭᒥᓂᒃ ᓱᓕᓂᕋᐃ’ᓗᓂ ᐃᓄᒡᓂ’ᖔᖅᑐᓂᒃ. ᑕᒡᕙᓂ 1854ᒥᑦ ᐳᑎᔅᒥᐅᑦ ᒐᕙᒪᖏᑦ ᖁᓚᓕᖅᖢᑎᒃ ᐃᑲᔪᕈᒪ)ᐃᖅᖢᑎᒡᓗ ᕿᓂᖅᑐᒡᓴᓄᑦ. ᑕᐃᑉᓱᒨᓇ ᐳᑎᔅᒥᐅ ᐅᓇᑕᓕᖅᓯᒪ’ᒪᑕ. ᐳᕋᐃᒡᓚᓐ ᓄᓕᐊᖓ ᓂᐅᕕᖅᖢᓂ ᐅᒥᐊᖅᒥᒃ ᒥᑭᔪᒥᒃ ᕚᒡᔅᒥᒃ ᐊᑎᖃᖅᑐᒥᒃ ᑎᒡᑯᐊᖅᓯ’ᓗᓂᓗ ᓕᐅᐴᐃᓪ ᒪᒡᑭᓕᒡᑖᒥᒃ ᐊᐅᓚᑦᑎᖁ’ᓗᒍ ᕿᓂᖅᓂᖅᒥᒃ ᑳᑉᑕᒋᔭᐅᖁ’ᓗᒍ ᑭᖓᐃᓚᑉ ᐅᐊᓕᔮᖓᓄᑦ

ᒪᑭᓕᒡᑖᖅ ᖃᐅᓕᒪᔪᖅ ᐊᐅᓚᓂᖅᒥᒃ ᐅᑭᐅᖅᑕᖅᑐᒥ, ᐃᓚᐅᖃᑦᑕᖅᓯᒪᔪᖅ ᐊᑕᐅᓯᐊᖏ’ᓗᓂ ᐳᕋᐃᒡᓚᓐᒥᑦ ᕿᓂᖅᖃᑕᖅᑐᓂᑦ. ᐳᑎᔅᒥᑦ ᐊᐅᓚᖅᖢᓂ 1857ᒥᑦ ᑕᐃᒪᓗ 1858 ᐅᐱᖕᒑᖓᓂᑦ, ᐃᓄᖁᑎᓂᓗ ᕿᑭᖅᑕᐅᑉ ᐊᕙᑖᓂᑦ ᕿᓂᒪ’ᓗᑎᒃ ᓇᓂᓯᖃᑕᖅᖢᑎᒡᓗ ᐃᓄᐃᑦ ᓴᐅᓂᕕᓃ’ᓂᒃ ᑕᐃᒪᓗ ᐳᕋᐃᒡᓚᓐ ᐱᖁᑎᕕᓃ’ᓂᒃ ᓇᓗᓇᐃᖅᓯ’ᓗᑎᒡᓗ ᐊᐅᓚᔪᕕᓂᖅᓄᑦ ᐱᖁᑎᒋᔭᐅᔪᕕᓂᖅᓂᒃ, ᓇᓗᓇᐃᖅᓯᕗᑦ ᐊᐅᓚᓂᐅᔪᖅ ᐱ’ᓂᖅᓘᑕᐅᓯᒪ’ᒪᑦ ᑕᐃᒪᓗ ᒪᒡᑭᓕᒡᑖᖅ ᐃᓄᒡᓂᒃ ᑲᑎᓯᒪᓕᕆᕗᖅ ᑐᓴᖅᑎᑕᐅ’ᓗᓂᓗ, ᐅᖃᖅᑎᖓᒍᑦ, ᒪᑉᕈᒃ ᐅᒦᔭᖅᓯᒪᓕ’ᒪᓂᒃ ᕿᑭᖅᑕᐅᑉ ᖃᓂᖓᓂ ᐊᓐᓇᒡᑐᖃᖏ’ᓗᓂᓗ ᑭ’ᒧᒋᐊᑉ ᖃᓂᖓᓂᑦ, ᕿᑭᖅᑕᐅᑉ ᐅᐊ’ᓇᖓᓂ ᐊᓐᓇᐅᒪᔪᓂᒡᓗ ᑕᑯᕕᐅᖏ’ᓗᓂ. ᒪᒡᑭᓕᑖᑉ ᕿᓂᕿᖅᓂᕆᔮᓂ ᐊᓐᓇᐅᒪᔪᓂᒃ ᑕᑯᔪᖃᖏᑦᑐᖅ ᑕᓴᑉᓇ ᑐᓴᖅᑕᐅᔪᖅ ᑕᓴᓇᐱᑐᐊᖑᔪᖅ ᖃᐅᔨᒪᔾᔪᑎᒡᓴᐅᔪᒧᑦ. ᐅᓇᑕᖅᑐᒡᓴᓄᓪᓗ ᐊ’ᓄᖅ ᓇᓂᔭᐅ’ᓗᓂ ᑭ’ᒧᒋᐊᖅᒥ ᐃᓄᒡᓱᓕᐅᖅᓯᒪᔪᒥᑦ ᕿᑭᖅᑕᐅᑉ ᐅᐊ’ᓇᖓᓂᑦ. ᑕᓴᑉᓇᐱᑐᐊᖑ’ᓗᓂᓗ ᓇᓂᔭᐅᓯᒪᔪᖅ ᑖᑉᑯᓇ’ᖓᑦ ᐅᒥᐊᒡᓂ ᒪᕐᕉᔪᒡᓂᑦ ᓇᓗᓇᖅᓯᓯᒪᔪᒡᓂ’ᖔᖅᑐᓂ. ᒪᕈᒡᓂᒡᓗ ᑎᑎᕋᖅᓯᒪᔪᖃᖅᖢᓂ ᐊᑐᓂᓗ ᐅᑉᓗᓕᖅᓯᒪᓂᕆᔮᒃ ᓇᓗᓇᐃᖅᓯᒪ’ᓗᓂ ᐊᕐᕌᒌᒡᓂᑦ ᑎᑎᕋᖅᑕᐅᓯᒪᓂᕆᔮ’ᓂᒃ. ᓯᕗᓪᓕᖅ ᑎᑎᕋᖅᑕᐅᓯᒪᔪᖅ ᐅᑉᓗᓕᖅᓯᒪ’ᓗᓂ 28 ᒪᐃ, 1847. ᕿᒪᒡᑕᐅᓯᒪᔪᕕᓂᖅ ᐃᓄᒋᔭᐃ’ᓂᑦ ᐊᒥᓲᖏᓕᖅᑐᓂᑦ ᓄᓇᒡᑯᑦ ᐱᓱᓕᖅᑐᕕᓂᖅᓂᑦ.. ᑕᐃᒪ’ᓇᐃᑦᑐᖅ ᐊᑐᖅᑕᐅᕙᒡᑐᖅ ᑎᑎᕋᖅᖢᑎᒃ ᐊᐅᓚᔪᓂᑦ ᓇᓗᓇᐃᔭᐃᔾᔪᑕᐅ’ᓗᓂ ᐅᑮᓯᒪᓂᕆᔭᒥ’ᓂᒃ ᐱᐊᓪᓱ ᐊᐃᓚᓐᒥ ᐅᕙᓂ 1845ᒥᑦ ᐅᒥᐊᖅᓗ ᓯᒡᑯ’ᔭᐅᓯᒪᓂᕆᔮᓂᒃ, ᕖᓕᒡᔅ ᐅᐊ’ᓇᖓᓂ, ᐅᕙᓂ ᓯᑎᑉᐱᕆ 1846ᒥ. ᑎᑎᕋᖅᓗ ᐃᓱᓕᓯᒪ’ᓗᓂ ᐃᓱᒪᒋᔭᐅᔪᓂᒃ “ᑕᒪᖅᒥᒃ ᖃᓄᕆᖏᑦᑐᑦ”. ᐊᐃᐹᓗ ᑎᑎᕋᖅᓯᒪ’ᓗᓂ, ᐅᕐᓗᓕᖅᓯᒪᔪᖅ 25 ᐄᑉᐳᕈᓪ 1848ᒥ, ᐃᓱᒫᓗᒡᓇᖏᓂᖅᓴᒥᒃ ᑎᑎᕋᐅᓯᖅᑕᖃᖅᖢᓂ, ᑎᑎᕋᖅᓯᒪᔪᖅ ᐃᓚᖓᖅᓂᕋᖅᖢᑎᒃ ᐊᐅᓚᓂᕆᔭᐅᔪᒥᑦ 9ᖑᔪᓂᒃ ᐊᑕᓂᕆᔭᐅᔪᓂᒃ ᐃᓄᖁᑕᐃ’ᓂᒡᓗ 15ᖑᔪᓂᑦ, ᐳᕋᐃᒡᓚᓐᓗ ᐃᓅᓱᐃᖅᓯᒪ’ᓗᓂ ᔫᓂ 1847ᒥ. ᐅᒥᐊᒃ ᓱᓕ ᒥᒡᑯ’ᔭᐅᓯᒪᓱᐃᖏ’ᓗᑎᒃ ᕿᒪᒡᑕᐅᓯᒪᓕᖅᖢᑎᒡᓗ, ᐃᓄᖁᑕᐃᓗ ᑎᖃᓕᖅᖢᓂ ᐃᓅᒡᓂᒃ ᒪᕐ4/4/2025ᒡᓂᒃ ᑕᖁᓕᒡᑐᖅᓗᐃᓗᐃᓕᖅᒦᑦᑐᖅ.

ᐃᓱᒪᒋᔭᐅᓕᖅᖢᓂ ᖃᐅᔨᔭᐅᓯᒪᔪᒧᑦ ᐊᓐᓇᒡᑐᖏᑦᑐᓄᑦ ᐊᐅᓚᓂᐅᔪᒥᑦ ᐃᓄᖏ’ᓄᑦ ᑕᐅᑐᖅᑰᖅᑕᐅᓕᖅᖢᑎᒃ ᕿᓂᖅᓂᐅᔪᖅᓗ ᐊᓐᓇᐅᒪᔪᒡᓴᓂᒃ ᑎᑎᕋᖅᑕᐅᓯᒪᔪᒡᓴᓂᒡᓗ ᐊᐅᓚᔪᕕᓂᖅᓄᑦ ᕿᓂᖅᑕᐅᕿᒡᓴᓕᖅᖢᑎᒃ ᐊᕐᕌᒍᒡᓄᑦ ᒪᕐᕉᒡᓄᑦ. ᐱᒻᒪᕆᐅᕗᖅ ᐅᓇ, ᕌᐃ ᒪᒡᑭᓕᒡᑖᖅ ᐊᓯᖏᓪᓗ ᕿᓂᖅᑐᑦ ᐃᑲᔫᑎᖃᖅᓯᒪᕗᖅ ᐃᓄᒡᓂᑦ ᐃᑲᔪᖅᑕᐅᓂᕆᔮᑦ ᖃᐅᔨᒪᔪᓄᑦ ᑐᓴᖅᓯᒪᔪᓄᓪᓗ ᐊᐅᓚᔪᕕᓂᖅᓄᑦ ᑕᐃᒪᓗ ᐅᕝᕙᓘᓃᑦ ᑕᑯᓯᒪᔭᒥ’ᓂᒃ ᐅᓂᑉᑲᐅᓯᓕᒡᓄᑦ ᑖᑉᑯᒡᓄᖓᑦ ᐅᒥᐊᕕᓃᒡᓄᑦ ᑕᐃᒪᓗ ᐃᓄᒋᔭᐃ’ᓄᑦ. ᐅᓇᐅᕗᖅᓗ, ᐊᒥᐊᕆᑲᖅᒥᐅᑕᖅ ᓵᓕ ᕗᕌᓐᓯᔅ ᕼᐋᓪ ᑕᐃᒪᓗ ᓘᑕᓂᑦ ᕕᕆᐊᑦᑐᕆᒃ ᓱᕚᒡᑲ ᐊᐅᓚᓕᖅᓯᒪᕗᒃ ᐊᑕᓂᕆᔭᐅ’ᓗᑎᒃ ᕿᓂᖅᑐᓄᑦ ᐅᕙᓂ 1864ᒥᑦ-1869ᒧᑦ ᑕᐃᒪᓗ 1873ᒥᑦ-1880ᒧᑦᐅᐸᒍᑎᓯᒪ’ᓗᑎᒃ ᑕᒪᐅᖓ ᕿᑭᖅᑕᐅᑉ ᖃᓂᖐᔮᓄᑦ ᐊᑐᖅᖢᒋᑦ ᐃᓄᐃᑦ ᐅᓂᑉᑲᐅᓯᕆᔭᐃ’ᓄᑦ ᐊᐅᓚᓂᕆᔭᐅᔪᒧᑦ ᐃᓅᓱᐃᖅᓯᒪᓂᕆᔭᐅᔪᒧᑦ. ᐅᑉᓗᒥ, ᑕᓴᑉᑯᐊᑦ ᐅᓂᑉᑲᐅᓯᕆᔭᐅᔪᑦ ᐊᑑᑎᖃᑦᑎᐊᖅᑐᑦ ᑐᓴᐅᒪᔾᔪᑎᒡᓴᓄᑦ ᐊᐅᓚᓂᕆᔭᐅᔪᒥᒃ ᐃᓅᓱᐃᖅᓯᒪᓂᐅᔪᓄᑦ. ᕼᐋᓪ ᐊᐅᓚᖃᑎᖃᖅᖢᓂ ᐃᓅᒡᓂᒃ ᒪᕐᕈᒡᓂᒃ ᑕᖁᓕᒃᑐᕐᒥᒃ (ᑎᑎᕋᖅᑕᐅᓯᒪᔪᖅ ᐃᒪ’ᓇ ᑐᑯᓕᒡᑐ). ᕼᐋᓪᑉᓗ ᑕᐃᖃᑕᖅᖢᓂᐅᒃ ᕼᐋᓇᒥᒃ) ᐃᐱᕐᕕᒡᒥᒡᓗ (ᑎᑎᕋᖅᑕᐅᓯᒪ’ᓗᓂ ᐃᒪ’ᓇ ᐃᐱᐊᐱᒡᒥᒃ, ᕼᐋᓪᒧᓪᓄ ᑕᐃᔭᐅᖃᑕᖅᖢᓂ ᔫᒥᒃ) ᓴᓈᖃᖅᑐᒃ ᑐᓵᔨᐅ’ᓗᑎᒃ ᕼᐋᓪᒧᑦ ᖃᐅᔨᒪᑕᕆᔭᐅ’ᓗᑎᒡᓗ ᑕᐃᒪᓗ ᑕᒪᖅᒥᒃ ᐊᑑᑎᖃᑦᑎᐊᖅᖢᑎᒃ ᑕᓴᑉᑯᓄᖓᑦ ᖃᐅᔨᓴᖅᑕᐅᔪᓄᑦ. ᐃᐱᐊᐱᒃ ᑭᖑᓂᖓᒍᑦ ᐊᑐᖅᑕᐅᒋ’ᓗᓂ ᐳᕋᐃᒡᓚᓐᒧᑦ ᕿᓂᖅᓂᐅᔪᒧᑦ, ᐃᓄᒋᔭᐅᔪᕕᓂᖅᓄᑦ ᕿᓂᖅᓂᐅᔪᒧᑦ, ᐱᖁᑎᕕᓂᐅᔪᓄᓪᓗ ᐊᓯᖏ’ᓄᓪᓗ ᑕᒫᓂ ᕿᑭᖅᑕᐅᑉ ᖄᖓᓂ ᓱᓇᕋᓗᒡᓂᒃ ᕿᓂᖅᓂᐅᔪᒧᑦ ᑲᔪᓯᓯᒪ’ᓗᓂᓗ ᑕᓴᑉᓇ 20 ᓴᓐᑐᕆᒥ.

ᐱᒋᐊᓕᓵᖅᑎ’ᓗᒍ 1960, ᐅᑉᓗᒥ ᐊᑐᖅᑕᐅᓕᖅᑐᓂ ᕿᓂᕈᑎᓂᒃ ᐅᒦᔭᖅᓂᑯᒃ ᕿᓂᖅᑕᐅᒋᐊᖅᓯᒪᕗᒃ ᐆᕋᐃᓕ ᕿᑭᖅᑖᓂ, ᕿᑭᖅᑕᐅᑉ ᐅᐊᓕᔮᖓᑕ ᑲᖏᐊᓃᑦᑐᒥᑦ, ᕿᓂᖅᓂᖅ ᑕᓴᑉᓇ ᑲᔪᓯᓯᒪ’ᓗᓂ ᑕᐅᕙᓂ ᐊᑐᖅᑕᐅ’ᓗᑎᒃ ᐱᔪᒥᓇᖅᓂᒡᓴᓄᑦ ᕿᓂᕈᑎᓄᑦ ᖁᖁᐊᕈᑎᓕᒡᓄᑦ ᑕ’ᓇᐃᑦᑐᑦ ᐊᑐᖅᑕᐅ’ᓗᑎᒃ ᕿᓂᕈᑕᐅᔪᑦ ᑎᑭ’ᓗᒍ 2000. 1970 ᕿᑎᖓᓂᑦ 1980 ᐊᑐᓕᕆᐊᓵᓂᖓᓄᑦ ᑎᑭ’ᓗᒍ ᖃᐅᔨᒪᔪᓄᑦ ᐃᑦᓴᖅᓂᑕᓕᕆᔨᓄᑦ ᐃᓂᒋᔭᐅᔪᒧᑦ ᐃᓕᖓᔪᓄᑦ ᐳᕋᐃᒡᓚᓐ ᐊᐅᓚᓂᕆᔭᐅᔪᑯᓂᖅᒧᑦ, ᐃᓱᒪᒋᔭᐅᓂᖓ ᑲᔪᖏᐳᑕᐅᕚᓪᓕᓕᖅᓯᒪᕗᖅ ᐅᓂᑉᑲᐅᓯᖅᓄᑦ ᐊᐅᓚᓂᕆᔭᐅᔪᕕᓂᖅᒧᑦ ᐱᒋᐊᓕᓵᖅᑎ’ᓗᒍ ᐅᕙᓂ 1990, ᒐᕙᒪᒡᑯᑦ ᓄᓇᑦᑎᐊᒥ ᐅᖃᐅᓯᖃᓕᖅᓯᒪᕗᑦ ᓴᐳᑎᔭᐅᓯᒪᖁ’ᓗᒍ ᐃᓂᒋᔭᐅᔪᖅ ᐅᒥᐊᕕᓂᖅᓄᑦ ᓇᓂᔭᐅᖤᖅᓂᖅᐸᑕ ᑕᐃᒪᓗ, ᑕ’ᓇᐃᓂᖓᓄᑦ, ᑐᖓᕕᒋᔭᐅ’ᓗᓂ HSMSBCᑯ’ᓄᑦ ᐱᖁᔭᐅᓯᒪᓂᐅᔪᖅ ᑕᐃᒪ ᑕᐃᔭᐅᔪᒡᓇᖅᓯᔪᖅ ᓄᓇᖅᔪᐊᒥ ᐃᑦᓴᖅᓂᑕᖅᓄᑦ ᐃᓂᒋᔭᐅᓂᖓᓂᒃ. ᑭᖑᓂᓪᓄᐊᖓᒍᑦ, ᐅᕙᓂ 1997ᒥ, ᓃᑎᐊᒥᐅᑦ ᐊᑎᓕᐅᖅᓯᒪᕗᑦ ᐃᑦᖃᐅᒪᔾᔪᑎᒡᓴᒧᑦ ᑐᑭᓯᒪᔭᐅᖁ’ᓗᒍ ᐳᑎᔅᒥᐅᓄᑦ ᓴᓂᕙᖅᑕᐅᓯᒪᓂᕆᔮᓄᑦ ᐃᓂᒋᔭᐅᔪᖅ ᐅᒥᐊᕕᓂᖅᓄᑦ, ᓇᓂᔭᐅᔪᑦ ᑕᐃᒪᓗ ᐃᓗᓕᕆᔭᐃ ᑳᓇᑕᒧᖓᑕᐅᓯᒪ’ᓗᑎᒃ.

2008ᒥ, ᑳᓇᑕᒥ ᒥᖕᒍᖏᖅᓯᖅᕕᓕᕆᔨᑦ ᑕᐃᒪᓗ ᒐᕙᒪᒡᑯᑦ ᓄᓇᕗᑦᒥ ᓄᑖᒥᒃ ᕿᓂᕆᐊᖅᓯᒪᕗᑦ ᐅᑭᐅᓄᑦ ᐊᑕᐅᓯᐅᖏᑦᑐᓄᑦ ᕿᓂᖅᓂᐅᓂᐊᖅᑐᒥᒃ ᐅᒥᐊᕕᓂᖅᓄᑦ ᑕᕆᐅᒥ ᑕᐃᒪᓗ ᐃᓄᕕᓃ’ᓂᒃ 1845ᒥ ᐊᐅᓚᓂᐅᔪᕕᓂᖅᓂᒃ ᐳᕋᐃᒡᓚᓐ ᐊᐅᓚᓂᕆᔭᕕᓂᐊᓂᒃ ᓄᓇᒥ. ᐃᑲᔪᖅᑎᖃᖅᖢᑎᒃ ᓯᑯᓯᐅᖅᑎᒥᒃ, ᑳᓇᑕᒥᓗ ᐱᔨᑦᑎᕋᖅᑎᐅᔪᓂᒃ ᑕᐃᒪᓗ ᐅᖅᓱᖅᑑᒥᐅᑕᖅᓂᒃ, ᑕᓴᑉᑯᐊ ᐃᑲᔪᖅᑎᒌᒡᖢᑎᒃᕿᓂᓕᖅᑐᑦ ᐅᒥᐊᕕᓂᖅᓂᒃ, ᐱᔨᑦᑎᕋᖅᑎᐅᔪᑦ ᑕᐃᒪᓗ ᐊᕕᒡᓯᒪᓂᐅᔪᒥᑦ ᐃᑦᓴᖅᓂᑕᓕᕆᔩᑦ ᕿᓂᕈᑎᓂᒃ ᓄᑖᓂᒃ ᐊᑐᖅᖢᑎᒃ ᑎᑎᕋᓴᑦᑎᐊᖅᖢᒋᓪᓗ ᐃᓄᑦ ᖃᐅᔨᒪᔭᑐᖃᖏ’ᓄᑦ ᐃᓚᓕᐅᑎᔭᐅᓯᒪ’ᓗᑎᒃ ᐃᓄᒡᓄᑦ ᐅᓂᑉᑲᐅᓰᕆᔭᐃ ᑕᒫᓂ 19 ᓴᓐᑐᕆᒥ. ᒪᕐᕈᒡᓗ ᓇᑕᒥ ᒥᖕᒍᐃᖅᓯᖅᕕᓕᕆᔨᓂ ᕿᓂᖅᕕᐅᔪᒡᓴᒃ ᓇᓗᓇᐃ.ᖅᑕᐅ’ᓗᑎᒃ ᑖᑉᑯᐊ ᓇᓗᓇᐃᖅᑕᐅᓯᒪᔪᒃ ᐊᑦᖃᐅᒪᔨᓂᑦ ᐃᑦᓴᖅᓂᑕᕆᔨᓂᑦ ᑳᓇᑕᒥᓗ ᐱᔨᑦᑎᕋᖅᑎᐅᔪᓂᑦ ᑕᐃᒪᓗ ᐃᓄᒡᓂᑦ ᐅᖅᓱᖅᑑᖅᒥᐅᑕᖅᓂᑦ ᑐᓴᐅᒪᔭᐅᔪᖅ ᑎᑎᕋᖅᑕᐅᓯᒪᒧᓂᑦ ᒪᒡᑭᓕᒡᑖᒧᑦ, ᕼᐋᓪᒥᓪᓗ ᓱᕚᔅᑲᒥᓪᓗ ᐊᑐᖅᑕᐅ’ᓗᑎᒃ ᕿᓂᖅᓂᐅᓯᒪᔪᑦ ᑐᓴᑐᒻᒪᔾᔪᑕᐅᓂᖓ ᐊᑐᖅᖢᒍ ᐅᒡᔪᓕᐅᑉ ᑕᕆᐅᖓᓂᑦ ᑕᐃᔭᐅᔪᒥᑦ ᐅᒡᔪᓕᒡᖅᓂᐊᖅᖢᓂ ᓱᓕᓂᕆᔭᐃ’ᓄᑦᑕᓴᑉᓇᓗ ᑐᑭᓯᒪᔭᐅᔮᖃᒥᑦ “ᐅᒡᔪᖃᖅᓂᖓᓄᑦ”. ᓇᓂᓯᕕᐅᒧᖅ ᑕᐃᒪ ᑕᐃᔭᐅᓕᖅᖢᓂ “ᐅᒡᔪᓕᒡᒥᑦ ᐅᒦᔭᖅᕕᒡᒥᒃ” ᐅᕙᓂ ᓯᑎᑉᐱᕆ 2, 2014ᒥ ᐃᐅᕋᐸᔅ ᓇᓂᔭᐅᓯᒪᕗᖅ ᐃᒫᓂ ᑕᐃᔭᐅᔪᓂᒃ ᐅᒡᔪᓕᒡᒥᑦ ᐅᒦᔭᖅᓂᑯᖅᒥ. ᑕᐃᒪᓗ ᓯᑎᑉᐱᕆ 3, 2016ᒥ ᑎᐅᕈ ᓇᓂᔭᐅ’ᓗᓂ ᐃᓄᒡᒥᑦ ᐅᖅᓱᖅᑑᖅᒥᐅᑕᖅᒥᑦ ᑐᓴᑕᐅᔪᖅ ᒪᓕᒡᖢᒍ ᓇᓂᔭᐅᓚᕿᓯᒪᔾᔪᑕᐅᓄᖅ ᐅᒥᐊᕕᓂᐅᑉ ᐊᐃᑉᐸᕆᔮ ᐊᒥᕐᕋᖅᒥᑦ ᑕᒫᓂ ᐅᖓᓯᒡᓂᓕᒃ 80 KM ᐅᐊ’ᓇᖓᓂ ᐅᒦᔭᖅᓯᒪᔪᒥᑦ ᐃᐅᕋᐸᔅᒥᑦ.

ᑕᐃᑲ’ᖓᑦ ᓇᓂᔭᐅᓂᕆᔮᓂᑦ ᑖᑉᑯᒡᓄᖓ ᐅᒥᐊᕕᓃᒡᓄᑦ ᒪᕐᕈᒡᓄᑦ, ᑳᓇᑕᒥ ᒥᖕᒍᐃᖅᓯᖅᕕᓕᕆᔨᓂᑦ ᐃᑦᓴᖅᓂᑕᕆᕆᔩ’ᓂ ᐊᑦᖃᐅᒪᔩᑦ ᓴᓇᖃᑎᒋᔭᐃᓗ ᕿᓂᖅᓯᒪᕗᑦ ᐱᖁᑎᑐᖃᖅᓂᒃ ᐅᒥᐊᕕᓃᒡᓂᑦ ᑖᑉᑯᒡᓇᓂ ᑕᐃᒪᓗ ᐃᓄᐃᑦ ᐅᑉᑲᐅᓰᑦ ᐃᓕᑕᕆᔭᐅᓂᖃᓕᖅᖢᑎᒃ ᐳᕋᐃᒡᓚᓐ ᐊᐅᓚᓂᕆᓯᒪᔮᓄᑦᐅᓂᑉᑲᐅᓯᖃᑕᖅᓂᕆᔭᐃ’ᓄᑦ. ᐃᓱᒪᒋᔭᐅᓕᖅᖢᓂ ᖃᐅᔨᓴᖅᑎᓄᑦ ᑕᒪᓐᓇ ᑲᔪᓯᒪᔾᔪᑕᐅᓂᐊᖅᑐᖅ ᓯᕗᓂᔨᓴᐅᔪᒥ ᐅᓂᑉᑲᐅᓰᑦ ᓱᓕᓂᕆᔭᐃ’ᓄᑦ ᐃᓕᑦᑯᓰᓗ ᑐᑭᓯᒪᔭᐅᕚᓕᕈᑎᒋᓗᒍ ᐃᓚᓕᐅᑎᓯᒪᔭᐅᓗᓂᓗ ᐃᑦᖃᐅᒪᔾᔪᑎᒡᓴᒧᑦ ᑎᑎᕋᖅᑕᕆᓂᐊᖅᑕᐃ’ᓄᑦ.

ᑐᓴᐅᒪᔾᔪᑎᑦ ᐳᕋᐃᒡᓚᓐ ᐊᐅᓚᓂᕆᔮᓄᑦ ᐊᒧᔭᐅᓯᒪᓂᑯᑦ ᐅᒦᔭᖅᓯᒪᓂᑯᖅᒥᑦ ᑯᐃᓐ ᐅᒥᐊᖁᑕᐃᓂᑦ ᐃᐅᕋᐸᔅᒥᑦ ᐊᒻᒪ ᑎᐅᕈᒥᑦ ᓄᓇᖅᔪᐊᒥ ᐃᑦᓴᖅᓂᑕᖅᓄᑦ ᐃᓂᒋᔭᐅᔪᓂᑦ ᑕᒫᓂ ᑳᓇᑕᒥ, ᐃᑦᖃᐅᒪᔾᔪᑎᓄᑦ ᐅᖃᐅᓯᖅᑕᕆᔭᐃ. ᐊᖏᖅᑕᐅᓯᒪᔪᑦ ᐆᒧᖓᑦ:

ᔨᐊᓂᕖᕝ ᑎᕈᐊᔅᒧᑦ

• ᓯᕗ’ᒧᐊᒡᑎ, ᐃᓕᑦᖁᓯᓕᕆᔨᑦ ᐱᖁᑎᑐᖃᓕᕆᔨᑦ ᒪᓕᒐᖅᓄᑦ
• ᓄᓇᖃᖅᖄᖅᑐᓄᑦ ᐱᔨᑦᑎᕋᖅᑎᑦ ᐊᒻᒪ ᐃᓕᑦᖁᓯᖅᓄᑦ ᐱᖁᑎᑐᖃᓕᕆᔨᑦ ᓯᕗ’ᒧᐊᑎᖓᑦ, ᑳᓇᑕᒥ ᒥᖕᒍᐃᖅᓯᖅᕕᓕᕆᔨᑦ

ᔨᐊᓇ ᐴᓐ

• ᓴᓇᔨᓄᑦ ᐊᑕᓂᕆᔭᐅᔪᖅ ᐅᑉᓗᒥᒧᑦ
• ᓄᓇᕗᑦᒥ ᓴᓇᔨᓄᑦ, ᑳᓇᑕᒥ ᒥᖕᒍᐃᖅᒥᖅᕕᓕᕆᔨᑦ

ᔭᐃᑲᑉ ᕿᖅᓂᖅ

• ᐃᒡᓯᕙᐅᑕᓕᒃ ᓇᑦᑎᓕᒡᒥ ᐅᑐᖅᑲᖃᖅᕕᐊᑕ ᑲᑎᒪᔩᓄᑦ ᐅᑉᓗᒥᒧᑦ

ᕗᕆᐊᑦ ᐱᐊᑦᑐᕆᓯᓐ, ᐃᒡᓯᕙᐅᑕᓕᒃ

• ᐳᕋᐃᒡᓚᓐᒧᑦ ᐃᓕᖓᓂᐅᔪᓄᑦ ᑲᑎᒪᔩᑦ

ᒥᓇᕆᓗᒍ ᐃᑦᑕᕐᓂᓴᖃᕐᕕᒃ ᑲᓇᑕᒥ ᐊᑕᖏᕐᓗᒍ